Moi preto da casa de O Palomar, a uns 50 m, sitúase esta construcción tan singular de principios do século anterior, restaurada e habilitada como casa rural no ano 2002 con todo tipo de comodidades respetando en cada detalle a súa condición galega.

É un aloxamento na aldea que dispón de seis habitacións dobres con baño individual, cada unha ten o seu encanto, todas elas contan con calefacción e televisión.

Os dormitorios teñen nomes de flores galegas en memoria da avoa que tanto disfrutaba con elas, como: Xazmín, Camelia, Orquídea, Hortensia, Caravel e Margarida. Ten un elegante e ampio salón con cheminea, sala de lectura, sala de xogos de mesa, ampla cociña e comedor, xardín con árbores frutais, terraza e patio interior. Tamén temos posibilidade de berces.

O mobiliario que decora a casa é unha combinación de obxetos restaurados pertencentes á familia e os recuperados desa mesma época, respectando su antigüidade e destacando a súa funcionalidade.